«Авангард» Даррен Дицті айырбастауға тырысуда

«Авангард» жарты жыл бұрын ғана екі жылдық келісімшартқа отырған қорғаушы Даррен Дицті айырбастау тізіміне қойды, деп хабарлайды Sport Plus Qazaqstan. 

«Омдықтарға өзгерістер енгізу керек. Сол себепті команда құрамына өзгерістер жасалуда. Даррен сенімдерді ақтамады. Оның қорғаныста көптеген олқылықтары бар, ал шабуылда өзін аса тиімді көрсете алмады (бастапқыда бірінші арнайы топта ойнады, бірақ бәсекелестіктен жеңілді)», – деп жазады «НППО | ТРАНСФЕРЫ КХЛ» арнасы.

17 қазанда «Авангард» «Спартакқа» 5:6 есебімен жеңіліп, бұл команда үшін 11-ші жеңіліс болды. Биылғы маусымда «жыртқыштар» 17 матч өткізіп, 6 жеңіске қол жеткізді.