Ақтөбе облысы әкімдігі стадион құрылысына қатысты мәлімдеме жасады
Ақтөбе облысының әкімдігі әлеуметтік желілерде Ақтөбе қаласында жаңа стадионның құрылысы басталатынын хабарлады, деп жазады Sport+.
«Ақтөбеге жаңа футбол стадионы! 2025 жылы халықаралық стандарттарға сай көпфункционалды спорт кешенінің құрылысы басталады. 35 мыңнан астам көрерменді сыйдыратын жаңа стадион спорттық және мәдени іс-шаралар өткізуге арналған маңызды орынға айналады, өңіріміздің спорттық әлеуетін арттырады. Қаламыздың мәдениеті мен спорты жаңа белеске көтерілмек!», – делінген хабарламада.
Айта кетейік, «Ақтөбе» 2024 жылғы маусымда Қазақстан Кубогын жеңіп алып, Еуропа Лигасының іріктеу кезеңінде ел намысын қорғау құқығына ие болды.
Посмотреть эту публикацию в Instagram
