АҚШ-Бразилия жолдастық кездесуін қайдан көруге болады?

12 маусым түнде Орландоның «Кемпинг Уорлд» стадионында АҚШ пен Бразилия Копа Америка алдындағы соңғы ойынын өткізеді.

Копа Америка биыл Америкада өтеді. Америка Боливия, Панама және Уругваймен бір топқа түсті. Бразилиялықтар құрлықтағы үздік команда атағын иелену үшін өз тобында Коста-Рика, Парагвай және Колумбиямен күш байқасады.

АҚШ құрамасы бұл кездесуге Колумбиядан 5:1 есебімен жеңілістен кейін келмек, ал Бразилия маусым айындағы жолдастық кездесуде Мексиканы 3:2 есебімеу жеңді.

Айта кетерлік жәйт, Америка өз тарихында Бразилияны бір рет қана жеңген. Бұл нәтиже 1998 жылы «КОНКАКАФ алтын кубогында» (1:0) тіркелген. Қос құрама соңғы рет 2018 жылы кездескен, ол кезде бразилиялықтар 2:0 есебімен жеңіске жеткен.

АҚШ-Бразилия матчын сағат 3:55те Sport Plus Qazaqstan телеарнасынан және sportplustv.kz сайтынан тікелей эфирде көре аласыздар.