Әли Әлиев Тағыбергеннің жалақысы туралы: Тудың құндылығы бәрінен жоғары

Қазақстан құрамасының бас бапкерінің міндетін атқарушы Әли Әлиев Уэльспен өтетін матч алдындағы баспасөз конференциясында құраманың капитаны Асхат Тағыбергеннің жалақысына қатысты сұраққа жауап беріп, команданың көшбасшысын қолдады, деп хабарлайды Sport+.  

«Жалақы мен ақша туралы айтпай-ақ қояйық, тудың құндылығы бәрінен де жоғары. Асхат Дания құрамасының қақпасына гол соққанда, ешкім оның жалақысы туралы ойлаған жоқ, біз барлығымыз біздің туымыздың дат туынан биік болғанына қуандық», — деді Әлиев.  

Уэльс — Қазақстан матчы 22-23 наурызға қараған түні сағат 00:45–те өтеді.