Жұман Жұмабеков: Hardcore FC лигасымен 5 жекпе-жекке келісімшарт жасастым

Қазақстандық жауынгер Жұман Жұмабеков алдағы жоспарлары туралы айтып берді, деп хабарлайды Sport Plus Qazaqstan.

- Бірнеше күн бұрын Мәскеу қаласына барып келдім. Ол жақта Hardcore FC лигасымен 5 жекпе-жекке келісімшарт жасастым. Алдағы уақытта Hardcore FC лигасында жұдырықтасатын боламын. Сіздерге Hardcore FC лигасында бокстан жекпе­-жектер көрсететін боламын. Маған бокс өте ұнайды. Сонымен қатар келесі айдың 8 жұлдызында Nomad лигасында 61 келі салмақ дәрежесінде белбеуге таласатын боламын. Қазірге уақытта сол жекпе-жекке дайындалып жатырмын. Қолмен жұдырықтасу және бокста ұзақ уақыт бойы жүрсем деген ойым бар. NAIZA лигасынан жақсы жекпе-жектер болып жатса, сол лигада да төбелесуге дайынмын, - деді 34-жасар файтер.