Фаниль Рафиков салмақ шегін орындай алмағаны туралы: Айыппұл сомасын қайырымдылыққа аударамыз
Қазақстандық файтер Фаниль Рафиков Нариман Аббасовпен жекпе-жек алдындағы салмақ шегін орындай алмағаны туралы пікір білдірді, деп хабарлайды Sport Plus Qazaqstan:
«Нариманның командасынан кешірім сұрағым келеді. Түні бойы салмақ тастадым, 300 грамм қалды, бірақ ағзам бұзыла бастады, және команда салмақ тастау процесін тоқтату керек деп шешті. Мұнда келгенде 7 рет тырыстым, мүлдем тер шықпады. Бұл үшін мен жауаптымын, сондықтан өзімнің гонорарымның пайызын беремін. Нариманның командасы менің пайызымнан бас тартты ма? Айыппұл сомасын қайырымдылыққа аударамыз. Біздің елде су тасқындары болды, сол жаққа жібереміз».
Аббасов – Рафиков жекпе-жегі 18 мамырда NAIZA және Fight Night-тың бірлескен турнирінің басты жекпе-жегі ретінде өтеді.
