Жаңарған «Қызылжар» мен Смаков жаттықтыратын «Жетісу». Матчтың тікелей эфирі

«Қызылжар» маусымды өз алаңында бастамайды, алғашқы өз алаңындағы матчтарын петропавлдықтар Қостанайдағы «Тобыл Арена» стадионында өткізеді.

«Қызылжар» логотипін, бапкерлік штабын жаңартып, құрамын айтарлықтай өзгертіп жіберді. Беларусьтік Александр Бразович Петропавлға Мирослав Лобанцевті қайтарып, Александр Нойк, Арсен Буранчиев, Руслан Валиуллин, Сенин Себай, Токтар Жаңғылышбай және басқа да бірқатар футболшыларды қатарына қосты.

«Жетісуда» да түбегейлі өзгерістер орын алды — жаңа директор Марк Гурман, жаңа бас бапкер Самат Смақов және құрамдағы үлкен өзгерістер. Өткен маусымдағы негізгі ойыншылардан тек Нұрбол Нұрберген, Мейк Карвот және Руслан Болов қалды, ал қалған позицияларға Самат Қабирович осы маусым алдында шақырған футболшыларын қосады.

Матчтың басталуы — 17:00.

«Қызылжар» — «Жетісу» кездесуін тікелей эфирде Sport+ телеарнасынан, sportplustv.kz сайтынан және YouTube sportplustv.kz арнасынан тамашалауға болады.