«Жасыл дерби» Атырауда. «Атырау» — «Елімай» матчының тікелей эфирі

Жаңа маусымның тұсау кесер матчы Атырауда өтеді, онда жергілікті «Атырау» клубы «Елімайды» қабылдайды.

«Атырау» клубы өткен маусыммен салыстырғанда айтарлықтай өзгеріске ұшырады — бұл өзгерістер басшылыққа, жаттықтырушылар штабына және құрамға да қатысты. Команданың жаңа бас бапкері болып бұрынғы жетекші Константин Горовенко тағайындалды.

«Елімай» керісінше тұрақтылықты сақтап қалды — бас бапкер Андрей Карпович клуб басшылығының толық сеніміне ие болып, келісімшартын ұзартты. Команданың көшбасшылары орнында қалды, сондай-ақ құрамға қазақстандық жас ойыншылар мен легионерлер қосылды.

«Елімай» үшін жалғыз минус — команда көшбасшыларының бірі Никита Корзунның жарақатына байланысты матчқа қатыспауы. Ол өткен маусымда Карповичтің тактикалық жүйесінде негізгі ойыншылардың бірі болған.

Горовенко мен Карпович арасындағы тарих:
Екі қазақстандық бапкер бұған дейін үш рет кездескен. Қазіргі уақытта олардың өзара нәтижелері тең — бір жеңіс, бір тең ойын, бір жеңіліс.

2020 жылы Горовенко «Шахтермен» Карповичтің «Оқжетпесін» жеңді.
2022 жылы Горовенконың «Атырауы» Карповичтің «Ақтөбесіне» есе жіберді.
2022 жылы «Мақтаарал» мен «Ақтөбе» арасындағы матч 1:1 есебімен тең аяқталды.
Горовенко мен Карповичтің жаңа текетіресі 1 наурыз күні өтеді.

Матч басталуы: 15:00

Тікелей эфир:

Sport+ телеарнасы
sportplustv.kz
YouTube: sportplus_qaz