Жалғас Жұмағұлов: UFC-ге қайта оралғым келеді

Танымал қазақстандық аралас жекпе-жек шебері Жалғас Жұмағұлов UFC-ге қайта оралу туралы айтты, деп хабарлайды Sport Plus Qazaqstan.

«Мақсатым — UFC-ге қайта оралу. Қазір Саят (Жұмағұловтың менеджері Абдрахманов — автор.) келіссөздер жүргізуде. Мен сол жерге ұмтылғым келеді. Сол жерде жекпе-жек өткізгім келеді. Соңғы мәрте әрекет етемін. Егер сәтті болса, келісімшартқа қол қоямын. Егер болмаса, онда, мүмкін, мансабымды аяқтайтын шығармын. Басқа лигаларда жекпе-жекке шығуға ниетім жоқ. Соңғы жекпе-жектен кейін көп ұсыныстар болды, бірақ дәл сол жерде мансабымды аяқтағым келеді», — деді Жұмағұлов.

Айта кетейік, UFC-де қазақстандық спортшы жеті жекпе-жекте бір жеңіс және алты жеңіліс тапқан.