Халықаралық ұйым ҚПЛ деңгейін бағалады

Халықаралық футбол тарихы және статистика федерациясы (IFFHS) 2024 жылдың ең мықты чемпионаттарының рейтингін жариялады, деп хабарлайды Sport+.

Бірінші орынды Италияның Серия A лигасы иеленді (1992 ұпай), екінші орында Испанияның Примерасы (1885 ұпай), ал үздік үштікті Англияның Премьер-лигасы (АПЛ) түйіндеді (1871 ұпай). Топ-10 қатарына сонымен қатар Аргентина, Германия, Бразилия, Португалия, Франция, Бельгия және Нидерланд чемпионаттары енді.

Қазақстан чемпионаты бұл рейтингте 86-орынды иеленді. Ресейдің Премьер-лигасы 73-орында. Қазақстан лигасынан жоғары орналасқан чемпионаттардың қатарында Әзербайжан (36-орын), Украина (38), Армения (46), Беларусь (59) және Грузия (70) лигалары бар.