Виктория Графеева: Тұғырда тұрып, өз елімнің әнұранын естімеу ауыр болды
Бокстан Әлем чемпионатының күміс жүлдегері Виктория Графеева өзі үшін алғашқы ӘЧ қорытындысын жасады, деп хабарлайды Sport+.
«Міне, біздің Әлем чемпионатымыз да аяқталды. Өкінішке қарай, мен өз мақсатыма жете алмай, чемпиондық атақпен орала алмадым. Бұл мені қатты қынжылтты. Тұғырда тұрып, өз елімнің әнұранын естімеу маған соншалықты ауыр тиді, сондықтан көз жасымды тыя алмадым. Бұған өзімнен басқа ешкімді кінәламаймын.
Дегенмен, осы чемпионатта қолдау көрсеткен жанкүйерлеріме, туыстарыма, достарыма өте ризамын! Барлығыңызға үлкен рахмет! Мен мақсаттарыма жете алмағанды ұнатпаймын, сондықтан келесі жолы мықтырақ болып ораламын. Тағы да барлығыңызға алғыс айтамын», — деп жазды спортшы әлеуметтік желілерде.
