УЕФА Ұлттар Лигасының плей-офф кезеңінің қатысушылары анықталды

УЕФА Ұлттар Лигасының ширек финалына шыққан барлық командаларды жариялады, деп хабарлайды Sport+.

Турнирдің жартылай финалына жолдама алу үшін «А» лигасының әр тобынан үздік екі команда өзара бақ сынайды.

Топтық кезеңнің қорытындысы бойынша Ұлттар Лигасының ширек финалына мына командалар өтті: Португалия, Хорватия, Франция, Италия, Германия, Нидерланд, Испания және Дания.

2024/2025 жылғы УЕФА Ұлттар Лигасының плей-офф кезеңінің жеребесі 22 қараша, жұма күні Швейцарияның Ньон қаласында өтеді.

Плей-офф ойындары 2025 жылдың 20 және 23 наурызында өтеді. Турнирдің жартылай финалдық кездесулері 4 және 5 маусымда, ал үшінші орын үшін матч пен финал 8 маусым, жексенбі күні өтеді.

Ұлттар Лигасының қазіргі чемпионы — Испания құрамасы.