38 жастағы әлем және Еуропа чемпионы «Бока Хуниорс» клубына ауысуы мүмкін

Мадридтік «Реал» және Испания құрамасының бұрынғы қорғаушысы Серхио Рамос «Бока Хуниорс» клубымен келісімшартқа отыруы мүмкін, деп хабарлайды Sport+.

38 жастағы испандық қазір келіссөздер жүргізуде және аргентиналық клубқа еркін агент ретінде ауысуы ықтимал.

2024 жылдың шілде айында Рамостың «Севильямен» келісімшарты аяқталды. Бұған дейін ол «ПСЖ» және мадридтік «Реал» клубтарында ойнаған.

Рамос Испания құрамасында 180 матч өткізіп, 23 гол соққан. Ол әлемдегі ең беделді футболшылардың бірі болып табылады — Испания чемпионаты мен Чемпиондар лигасында жеңіске жетіп, Испания Кубогы мен Суперкубогын, Еуропа Суперкубогын, клубтық әлем чемпионатын жеңіп алған. Сонымен қатар, ол Еуропа чемпионы атағын екі рет, әлем чемпионы атағын бір рет жеңіп алған.