Sport+ және «Болашақ ойындары 2026» дирекциясы ынтымақтастық туралы меморандумға қол қойды
Sport+ Qazaqstan медиатобы мен «Болашақ ойындары 2026» дирекциясы әріптестік туралы меморандум жасасты.
Қазақстанда өткізілетін кез келген ірі іс-шара — мұраны сақтаудағы маңызды қадам. «Болашақ ойындары» киберспорт қозғалысының дамуына серпін беріп, Қазақстанның цифрландыру саласындағы алдыңғы қатарлы елдердің бірі ретіндегі мәртебесін нығайтуға мүмкіндік береді. Сонымен қатар, «Болашақ ойындары» тек киберспортты танымал етіп қана қоймай, ойындар арқылы жас ұрпақты дәстүрлі спорт түрлеріне де баулуға жол ашады, осылайша ұлттың денсаулығын одан әрі нығайтуға ықпал етеді.
Sport+ осындай ауқымды іс-шараның қазақстандық жастарды тәрбиелеудегі және оларды спортқа тартудағы маңыздылығын түсіне отырып, «Болашақ ойындарын» ілгерілету үшін барлық қолда бар ресурстарын ұсынуға дайын.
Ойындардың өзі 29 шілде мен 9 тамыз аралығында Астанада өтеді. Турнирге әлемнің үздік фиджитал-спортшылары қатысады. 12 күн бойы қатысушылар физикалық спорт пен цифрлық геймплейді біріктіретін форматта бақ сынайды.
50-ден астам елден 200-ден астам команда мен 900-ге жуық спортшы қатысады деп күтілуде.
Турнир бағдарламасы екі бағытқа біріктірілген сегіз дисциплинадан тұрады:
Фиджитал спорт — жарыстар физикалық және цифрлық форматта өтеді
Диджитал спорт — танымал ойын тайтлдарына негізделген
Турнир аясында келесі дисциплиналар ұсынылады: фиджитал-футбол, фиджитал-баскетбол, фиджитал-жекпе-жек, фиджитал-билер, фиджитал-шутерлер, Battle Royale, MOBA PC және MOBA Mobile.
