Шомко қайта «Астанаға» оралуы мүмкін
Қақпашы Данила Карпиков пен қорғаушы Дмитрий Шомко «Астананың» Дубайда (БАӘ) өтіп жатқан оқу-жаттығу жиынына қосылды, деп хабарлайды Sport+.
34 жастағы футболшы бұған дейін «Елімай» сапында өнер көрсеткен. Оның құрамында 16 матч өткізіп, 4 нәтижелі пас берген. Сонымен қатар, Шомконың «Астана» клубында тәжірибесі бар — 2011 жылы және 2014-2020 жылдар аралығында өнер көрсеткен.
Ал 21 жастағы Данила Карпиков өткен маусымда Қазақстан чемпионатында қарағандылық «Шахтер» сапында бір матчқа қатысқан. Алайда, КПЛ-2024 қорытындысы бойынша команда жоғары лигадағы орнын сақтай алмады.
