Шавкат Рахмонов Асу Алмабаевты құттықтады
Жеңілмеген қазақстандық аралас жекпе-жек шебері Шавкат Рахмонов (18-0) өзінің әріптесі Асу Алмабаевты (21-2) UFC турниріндегі жеңісімен құттықтады, деп хабарлайды Sport Plus Qazaqstan.
Асу дивизиондағы жетінші нөмірлі спортшы Матеус Николауды (19-5-1) ұтқан соң Шавкат оған арнап жазба жариялады.
«Құтты болсын, чемпион! Топ-7», - деп жазды Рахмонов.
Әзірге Алмабаевтың 7-орынға көтерілу-көтерілмеуі белгісіз. Бірақ қазақстандықтың мақсаты айқын, ол UFC-ден титулдық жекпе-жек сұрап отыр.
Ал Рахмоновқа келсек, ол UFC-дегі кезекті әрі карьерасындағы маңызды айқасын 8 желтоқсан күні өткізеді. Оның қарсыласы - промоушеннің қазіргі чемпионы Белал Мухаммад (24-3-0-1).
