«Санкт-Галлен» капитаны Гертлер: «Тобыл» керемет қысым көрсетті, бірақ біз жеңіске жеттік
Швейцариялық «Санкт-Галлен» капитаны Лукаш Гертлер Sport Plus Qazaqstan сайтына Конференция лигасы аясында «Тобыл» командасына қарсы өткен матчты қорытындылады:
— Жеңісіңізбен және келесі кезеңге өтулеріңізбен құттықтаймын. Ойынды түсіндіріп бере аласыз ба?
— Менің ойымша, бірінші тайм өте қиын болды. Бірінші таймда көп мүмкіндік жасай алмадық және «Тобылдың» ойынымен қиындықтар болды. Олар бізге жоғарыдан қысым көрсетуге тырысты. Сондықтан бірінші тайм оңай болған жоқ, бірақ соңында біз жақсы ойнадық. Біздің мақсатымыз да осында жеңіске жету болды, сондықтан екінші таймда біз әлдеқайда жақсы ойнадық. Ойынға көбірек бақылау алдық және нәтижесінде бұл жақсы жеңіс болды.
— Келесі қарсыластарыңыз Латвиядан немесе Польшадан болуы мүмкін. Қай команданы таңдағанды қалайсыз?
— Маған бәрібір, шынымды айтсам. Мен бұл екі команданы жақсы білмеймін, сондықтан біз үшін қайсысы жақсы екенін айта алмаймын. Саяхаттау тұрғысынан қарағанда, мен Ригаға барғанды қалаймын, онда ешқашан болған емеспін.
— «Тобылдан» бір ойыншыны атай аласыз ба?
— Менің ойымша, шабуылшылар шынымен жақсы болды. Нақты білмеймін, бірақ маған № 10 ойыншы (Игорь Иванович, - автор) ұнады. Оған қарсы ойнау қиын болды. Сондай-ақ бірінші ойында мен екінші таймда ойнадым, ол сол кезде сол жақ қапталда жақсы ойнады, оған қарсы ойнау қиын болды. Ол осы командадағы менің сүйікті ойыншым болды.
