Шайбалы хоккейден «Айсұлу» командасы Қазақстан чемпионы атанды

Оңтүстік астана намысын қорғайтын ұжым өз тарихында 18-мәрте жеңіс тұғырынан көрініп отыр, деп хабарлайды Sport Plus Qazaqstan.

Ал астаналық «Томирис» биылғы маусымда чемпион командаға лайықты қарсылық көрсетті. Нәтижесінде екінші орынға табан тіреді. Сондай-ақ, құрамында тек жергілікті өскемендік қыздар жинақталған «Торпедо» клубы үздік үштікті түйіндеді.

Еске салсақ, бұдан бұрын шайбалы хоккейден Қазақстан чемпионаты плей-офф сатысының финалы мен үшінші орын сайыста қай командалардың сынға түсетіні белгілі болды.

Биыл бас жүлдені Көкшетаудың «Арлан» және астаналық «Номад» клубтары сарапқа салады.