Садриддин Ахмедовке бес рет жеңілген қарсылас берілді

Кәсіпқой бокстан алғашқы орта салмақта өнер көрсететін қазақстандық Садриддин Ахмедов (14-0, 12 КО) Америкадағы жорығын жалғастырады, деп хабарлайды Sport Plus Qazaqstan.

Ол 13 желтоқсанда рингке қайта оралады.

Санта-Инез қаласында (Калифорния, АҚШ) өтетін бокс кешінде Садриддин америкалық Рафаэль Игбоквемен (17-5, 7 КО) өзара мықтыны анықтайды. Жекпе-жек он раундқа жоспарланған.

Бокс кешінің ұйымдастырушысы – әйгілі Том Леффлер. Ол бұған дейін Геннадий Головкинге ұзақ уақыт промоутер болған еді.

Еске салайық, Садриддин Ахмедов кәсіпқой бокстағы мансабын Канадада бастаған. Оннан астам жекпе-жек өткізгеннен кейін ол Қазақстанға оралып, ұзақ уақыт үзіліс алды.

Ал, жуырда Ахмедов АҚШ-тан промоутер тауып, кәсіпқой рингке қайта оралған болатын. 31 тамызда отандасымыз Антонио Тодд (17-11, 9 КО) есімді боксшымен жұдырықтасып, біріншу раундта нокаутпен жеңіске жетті.