Садақ атудан Қазақстан әйелдер құрамасы Антальядағы іріктеу турниріне қатысады
Түркияның Анталья қаласы садақ атудан Олимпиадаға жолдама беретін іріктеу бәсекесін қабылдайды, деп хабарлайды Sport Plus Qazaqstan.
Ұлттық олимпиадалық комитеттің мәліметінше, спортшылар турнир барысында 14 жолдамаға таласады.
Шешуші сайысқа садақ атудан Қазақстан әйелдер құрамасы қатысады. Атап айтар болсақ, Алина Ілиясова, Диана Тұрсынбек және Елизавета Авдеевалар өз мүмкіндіктерін сынап көреді.
Іріктеу турнирі 13-17 маусым аралығына жоспарланған.
