РФС Қазақстанмен жолдастық матч өткізу туралы келіссөздер жүргізген жоқ

Ресей футбол одағы (РФС) Ресей мен Қазақстан құрамалары арасында жолдастық матч ұйымдастыру туралы келіссөздер жүргізген жоқ, деп хабарлайды Sport Plus Qazaqstan.

Мұндай спарринг өткізу мүмкіндігі жақында талқыланбаған.

Ресей құрамасы 2022 жылдың ақпан айының соңынан бастап УЕФА мен ФИФА аясындағы халықаралық жарыстардан шеттетілген болатын. Осы уақыт ішінде команда тек екі матч өткізді, онда Сербияны (4:0) және Беларусьты (4:0) ойсырата жеңді. 2024 жылдың қазан айында Ресей құрамасы үшін жолдастық матч серіктесі табылмады — бұл негізінен көптеген ұлттық командалардың Ұлттар лигасы мен 2026 жылғы Әлем чемпионатына іріктеу матчтарына қатысуына байланысты болды.

Станислав Черчесовтың басшылығымен Қазақстан құрамасы Ұлттар лигасы аясында төрт матч өткізді. Команда турнирде сәтсіз бастама жасап, мүмкін болған 12 ұпайдан тек 1 ұпай ғана жинады. Қазақстан құрамасы Норвегиямен тең ойнап (0:0), Словенияға (0:1, 0:3) және Австрияға (0:4) есе жіберді.