РФО-да Адиевтің екі лауазымды қатар алып жүру шешімін сынға алды

Қазақстан құрамасының бас бапкері Магомед Адиевтің «Ахмат» клубының бас бапкері лауазымына тағайындалуына қатысты Ресей футбол одағының құрметті президенті Вячеслав Колосков пікір білдірді, деп хабарлайды Sport Plus Qazaqstan.

«Қазақстан құрамасын Адиевтің «Ахматта» жұмыс істеуі алаңдатады. Екі маңызды лауазымды қатар алып жүру бапкерге пайдалы емес. Қазақстанда футбол көтерілімде, федерация керемет мақсаттар қойып отыр. Сондықтан Қазақстан құрамасына 100 пайыз уақыт бөлу қажет. «Ахмат» та артық назар аударуды қажет етеді, өйткені республика басшысы клуб істеріне белсенді араласады. Менің көзқарасымша, Адиев құрама мен клубта жұмыс істеуді қатар алып жүруді таңдауымен дұрыс шешім қабылдамады», — деді Колосков.

22 турдан кейін «Ахмат» Ресей Премьер-лигасында 20 ұпай жинап, 12-орында жайғасып тұр.