Қызайбай және Шекербекова жеңіске жетті
Бүгін Астанада басталған бокстан лицензиялық турнирге спаррингтік кездесулердің алғашқы жеңімпаздары белгілі болды, деп хабарлайды Sport Plus Qazaqstan
Ерлер арасында 63,5 келіде Ертуған Зейнуллинов пен Мұхаммедсабыр Базарбайұлы жұдырықтасып, Базарбайұлы 4:1 есебімен жеңіске жетті.
Әйелдер боксында 50 келіде Назым Қызайбай Алуа Балқыбековадан басым түсті.
54 келіде Жайна Шекербекова Балауса Мұздыманды ұтты. Ал осы салмақ дәрежесіндегі екінші жекпе жекте Ұлжан Сәрсенбек Элина Базаровадан айласын асырды.
