Қазақстандық Еуропа чемпионы АСА-ның экс-жауынгерімен жекпе-жек өткізеді

Қазақстандық файтер Жәнібек Тыныштық (4-0) 22 желтоқсанда Шымкент қаласында өтетін Alash Pride турнирінде қырғызстандық Хожақбар Ташходжаевпен (4-1) жекпе-жек өткізеді, деп хабарлайды Sport+.

Жәнібек 2021 жылы әуесқойлар арасындағы аралас жекпе-жектен Еуропа чемпионатын жеңіп алған. Профессионалдық деңгейде 4 жеңіс сериясында келеді, оның үшеуі мерзімінен бұрын аяқталған. Бұған дейін NAIZA және Alash Pride лигаларында өнер көрсеткен.

Хожақбар 2022 жылы АСА лигасында дебют жасап, Азам Ғафоровқа төрешілер шешімімен жеңілген болатын.

Alash Pride турнирі тікелей эфирде Sport+ Qazaqstan телеарнасынан көрсетіледі.