Қазақстандық әлем чемпионы Alash Pride турнирінде өнер көрсетеді

ММА бойынша әлем чемпионы Бекзат Жасия (5-1) Түркістанда өтетін Alash Pride 102 турнирінде жекпе-жек өткізеді, деп хабарлайды Sport+.

Оның қарсыласы қырғызстандық Қалыс Қанатов болмақ. Қанатов бұған дейін Қазақстанда өнер көрсеткен, NAIZA лигасында Санжар Хакимовқа және Alash Pride лигасында Давлатбек Абдухаровқа есе жіберген.

Бекзат өз жекпе-жектерінің барлығын Alash Pride лигасында өткізген. Ол чемпиондық атақ үшін айқасқанымен, Давид Джибиловтан жеңілген болатын.

Alash Pride 102 турнирі 30 қараша күні Түркістанда өтеді. Турнирді толықтай тікелей эфирде Sport + Qazaqstan телеарнасынан көруге болады.