«Қайраттың» ойыншысы Парижге аттанды

Алматылық «Қайрат» қорғаушысы Иброхимхалил Юлдошев Парижде өтетін 2024 жылғы жазғы Олимпиада ойындарына қатысатын Өзбекстан U-23 құрамасына қосылды, деп хабарлайды Sport Plus Qazaqstan.

Өзбекстан құрамасы жастар арасындағы Азия чемпионатының финалына шығып, Олимпиадаға қатысу құқығына ие болды. Тимур Кападзенің шәкірттері Олимпиададағы алғашқы матчын Испания құрамасына қарсы өткізеді. Ойын 24 шілдеге жоспарланған.