Александр Кержаков: Гол соққаннан кейін кешірілмейтіндей ойнадық

«Қайрат» командасының бас бапкері Александр Кержаков Премьер-лиганың 14-ші турындағы «Женіс» командасына қарсы матчтың (1:1) нәтижесін түсіндірді, деп хабарлайды Sport Plus Qazaqstan:

– Бүгін жеңісті уысымыздан шығарып алдық. Гол соққаннан кейін кешірілмейтіндей ойнадық.

– Соңғы екі ойын – 1:1...

– Сол ойыннан кейін жұмыс істедік. Көріп отырғанымыздай, әлі де жұмыс істеуіміз керек. Себебі, біз келгеннен кейін өте аз уақыт болды. Футболшылардың ойынды жақсы түсінуі үшін уақыт қажет. Бірақ, қайтадан айтамын, гол соққаннан кейінгі ойынымыз – кешірілмейтін жағдай.

– Командадағы жаңадан қосылған ойыншылардың ойынын қалай бағалайсыз?

– Қазір бұл туралы айтқым келмейді. Барлығын мұқият талдауым қажет.