«Қайрат» «Ақтөбеге» қарсы матч алдында мәлімдеме жасады

Футболдан Қазақстан чемпионатының 5-туры аясындағы «Қайрат» пен «Ақтөбе» командалары арасындағы матчқа барлық билет сатылып кетті, деп хабарлайды Sport Plus Qazaqstan.

«Барлық көрерменді кіреберісте бақылаудан (тексеру) өту уақытын ескере отырып, сондай-ақ кезекте тұрып қалмас үшін стадионға алдын ала келулерін сұраймыз.

«Қайрат» жанкүйерлері осы сенбіде екі гейттен (кіреберіс) – Абай даңғылы мен Сәтбаев көшесі жағынан кіреді.

Қонақ команда жанкүйерлеріне арналған кіреберіс – Байтұрсынов көшесі жағынан», - делінген клуб хабарламасында.

«Қайрат» - «Ақтөбе» матчы 20 сәуірде сағат 19:00-де басталады.