Покатилов «Сабахқа» не үшін керек: Әзірбайжанда Қазақстан құрамасы қақпашысының трансфері туралы пікір білдірді
CBC Sport телеарнасының әзірбайжандық спорт комментаторы Сулейман Велиев Sport+ бірген сұхбатында Стас Покатиловтың әзірбайжандық «Сабахқа» ауысуы туралы пікірімен бөлісті.
«Сабахтағы» қақпашы позициясы соңғы үш маусымда үнемі сұрақтар туғызып тұрды. Клубтың жас түлегі Юсиф Иманов ресейлік бапкер Мурад Мұсаевтың кезінді командада дебют жасап, мансабын өте жарқын бастады. Мұсаев оған қатты сенді және Иманов қысқа уақыт ішінде бас құрамадағы дебютке дейін жетті. Алайда, уақыт өте келе, прогресстің орнына Иманов белгілі бір аспектілерде тұрақсыздық пен сенімсіз ойын көрсете бастады, атап айтқанда қақпадан шығу және стандарттардағы ойыны бойынша қателіктер орын ала бастады.
Нәтижесінде, басқа қақпашы Мехбалыевпен бәсекелестікте бір уақыттары жеңіске жетіп, содан кейін өз орнын жоғалтты. Қақпашы позициясындағы мұндай тұрақсыздық командаға өзінің жоғары мақсаттарына жетуге кедергі келтіреді, әсіресе «Сабах» «Қарабахпен» чемпиондық үшін соңына дейін күрескен Мусаевпен болған маусымнан кейін. Осы маусымның басталуына дейін жаңа қақпашының трансфері күтілді, бірақ дәл қазір Стас Покатиловтың келуімен қажетті үміткер табылған сияқты», — деді спорт комментаторы.
