Омарханов мен Нұрланұлы 2025 жылды Аустралияда бастайды

Жасөспірімдер арасында 18-25 қаңтар аралығында өтетін Аустралия ашық чемпионатында кімдердің бақ сынайтыны белгілі болды, деп хабарлайды Sport+ Қазақстан теннис федерациясына сілтеме жасай отырып.

Біздің елімізден аталмыш жарыстың негізгі бөлігіне жасөспірімдер арасында ITF рейтингісінде 16-орында тұрған Амир Омарханов пен 73-сатыдағы Заңғар Нұрланұлы қатысады.

Бұл Заңғар Нұрланұлы үшін алғашқы «Үлкен дулыға» турнирі болмақ. 

Ал Амир өткен жылы жасөспірімдер арасында Аустралия ашық чемпионатының ширек финалына дейін жетіп, ерекше серпіліс туғызған еді.