Елена Рыбакина Абу-Даби Гран-приінің құрметті қонағы болды

Әлемнің алтыншы ракеткасы, қазақстандық теннисші Елена Рыбакина Формула-1 жарысының 2024 жылғы маусымының 24-ші және соңғы кезеңі – Абу-Даби Гран-приіне қатысты, деп хабарлайды Sport+.

Жарыста жеңісті «Макларен» командасының британдық шабандозы Ландо Норрис иеленді.

2022 жылғы Уимблдон чемпионы «Ред Булл» командасының қонағы болды.

2024 жылы Елена Рыбакина WTA деңгейіндегі үш титулды жеңіп алды (Брисбен, Абу-Даби, Штутгарт, барлығы WTA-500 санатындағы турнирлер) және тағы екі рет финалдық кездесулерге шықты. Үлкен дулыға турнирлеріндегі ең үздік нәтижесі Уимблдонның жартылай финалына шығу болды.