Новак Джокович 2025 жылғы «Үлкен дулыға» титулдарына үміткерлерді атады

24 мәрте «Үлкен дулыға» турнирінің жеңімпазы, сербиялық теннисші Новак Джокович 2025 жылы мэйджорларда басты үміткерлер кім болатынын айтты, деп хабарлайды Sport+.

«Мен әлі де жоғары деңгейде өнер көрсете алатынымды сезінемін. Қазір Синнер мен Алькарас өзін әлемдегі ең мықты екі ойыншы ретінде көрсетті. Бұл айқын шындық. Сонымен қатар, Зверевті де естен шығаруға болмайды. Барлық осы ойыншылар 2025 жылы «Үлкен дулыға» турнирлерінде және басқа да жарыстарда басты үміткерлер болады», — деп Джокович Runto de Break басылымына берген сұхбатында айтты.

Қазіргі уақытта Новак демалыста және жаңа маусымға дайындық үстінде. Ол маусымды Австралияның Брисбен қаласында 30 желтоқсан мен 5 қаңтар аралығында өтетін ATP-250 турнирінде бастайды.

Сонымен қатар, Джокович инфляцияны есепке алғанда, жүлде қоры бойынша тарихтағы ең үздік теннисші атанған еді.