NAIZA чемпионы ең төменгі салмақтағы жауынгерлер арасында әлемде екінші орынға ие болды

NAIZA лигасының чемпионы Бағдат Жұбаныш (6-1) ең төменгі салмақтағы жауынгерлердің әлемдік рейтингінде көтерілді, деп хабарлайды Sport+.

Fight Matrix сайтының ақпаратына сәйкес, қазақстандық спортшы аралас жекпе-жектің үздік жауынгерлері арасында екінші орынды иеленді. Бірінші орында Индонезиялық жауынгер Нован «Елші» Каунанг (12-2) тұр.

Айта кету керек, 21 желтоқсанда Бағдат Жұбаныш бразилиялық Ян Ферразды техникалық нокаутпен жеңіп, ең төменгі салмақтағы өзінің NAIZA чемпиондық белбеуін сәтті қорғады.

2022 жылғы 29 қаңтарда Әбу-Дабиде Бағдад Жұбаныш финалдық айқаста ресейлік Фарход Рахмоналиевті жеңген еді, тарихта алғаш рет аралас жекпе-жек (ММА) бойынша үш дүркін әлем чемпионы атанды.