Марат Шахметов: «Жетісудің» ойынына қарап Нұрдәулетовтің қандай ойын өрнегін қойып жатқанын көруге болады
Алматылық «Хан-Тәңірі» командасының футболшысы Марат Шахметов Қайрат Нұрдәулетовтің бапкерлік ойын стиліне қатысты пікірімен бөлісті, деп хабарлайды Sport Plus Qazaqstan.
«Нұрдәулетов тек қорғаныста ойнайды деп айтпа алмаймын, бірақ оның ойыны өткір қарымта шабуылдар негізінде құрылған. Шабуыл моделі вертикалды футбол негізінде ойластырылған және оның командалары допты көп ұстауға тырыспайды. Осындай бағытта «Мақтаарал» ойнады, қазір де «Жетісу» осындай ойын мәнерінде ойнауда. Иә, талдықорғандықтар бір ғана ойын өткізді, бірақ бұл матчта Нұрдәулетов қойған ойын өрнегі көрінді», - деді Шахметов Sport Plus Qazaqstan телеарнасының тікелей эфирінде.
