Макгрегордың ізбасары қарсылассыз қалған Шавкатты төбелеске шақырды

Гэрри қазіргі таңда UFC рейтингінде жетінші, ал Шавкат үшінші келеді, деп хабарлайды Sport +.

Әлі жеңіліп көрмеген ирландиялық файтер Иэн Мачадо Гэрри (15-0) қарсылассыз қалған Шавкат Рахмоновпен (18-0) айқас өткізуге ниет білдірді. 

Рахмонов 7 желтоқсанда жартылай орта салмақ чемпионы Белал Мухаммадпен (24-3) титул үшін айқас өткізу керек еді. Алайда чемпион операция жасатып, жекпе-жекке шыға алмайтын болды. 

Гэрри қазіргі таңда UFC рейтингінде жетінші, ал Шавкат үшінші келеді.

«Жеңіліп көрмеген екі файтер. Қай жерде және қай уақытта болса да», - деп жазыпты Гэрри Instagram желісінде.