Грекия соңғы минуттарда Англиядан жеңісті жұлып әкетті

Англия құрамасы өз алаңында Ұлттар Лигасының үшінші турында Грекия командасынан жеңіліс тапты, деп хабарлайды Sport Plus Qazaqstan.

Ойын Лондондағы «Уэмбли» стадионында өтіп, 1:2 есебімен англиялықтардың жеңілісімен аяқталды. 49-минутта Вангелис Павлидис гректерді алға шығарды. 88-минутта Джуд Беллингем қожайындарды жеңілістен құтқарғандай болғанымен, 90+4 минутта Павлидис дубль жасап, Грекия құрамасына жеңіс сыйлады.

Үш ойыннан кейін Грекия құрамасы максималды көрсеткішке — тоғыз ұпайға ие. Англия құрамасының үш турдан кейін алты ұпайы бар.