Футболдан Қазақстан қыздар құрамасы Грузияны ойсырата жеңді

Футболдан 2025 жылғы Еуропа чемпионаты іріктеу сатысында 19 жасқа дейінгі Қазақстан қыздар құрамасы Грузияны ірі есеппен жеңді, деп хабарлайды Sport Plus Qazaqstan.

Ойын барысында грузиялық құрамадан Наталья Квирквайя 4-минутта есеп ашты. Одан кейін қазақстандық футболшылар белсенді қимылымен көзге түсіп, қарсылас қақпасын бес мәрте дәл көздеді. Ел құрамасынан 37-минутта Валерия Попова таразы басын теңестірсе, ол 53-минутта тағы бір мәрте мергендік танытты.

Одан кейін Аяжан Қожабекова 64, Қазына Норбаева 72, Адия Асқарова 88-минутта гол соқты.

Осылайша ел құрамасы қарсыласынан 5:1 есебімен басым түсті.