Футболдан Азия кубогы: Жартылай финалға шыққан құрамалар анықталды

Қатарда өтіп жатқан футболдан Азия кубогы жартылай финалына шыққан барлық құрамалар белгілі болды, деп хабарлайды Sport Plus Qazaqstan.

Жарыстың аталған сатысында Иран, Катар, Иордания, Оңтүстік Корея құрамалары жолдама алды. 2-3 ақпан күндері ширек финал ойындары өткізілді.

Жарыстың аталған сатысында Иран құрамасы Жапонияны 2:1 есебімен тізе бүктірсе, Оңтүстік Корея дәл осындай есеппен овертаймда Аустралияны жарыс жолынан шығарды.

Ал Иордания Тәжікстанды 1:0 есебімен жеңсе, Өзбекстан Қатар кездесуінің негізгі кезеңі 1:1 есебімен аяқталып, пенальтиден қатарлықтар басым түсті.

Енді жартылай финалда 6 ақпанда Иордания мен Оңтүстік Корея, 7 ақпанда Иран мен Қатар құрамалары жасыл алаңға шығады.

Азия кубогы ойындары 1956 жылдан бері тұрақты түрде өткізіліп келеді.

Қазірге дейін Жапония - 4, Сауд Арабиясы мен Иран - 3, Оңтүстік Корея - 2, Израиль, Кувейт, Аустралия, Ирак, Катар - 1 мәртеден чемпион атанды.