ЕУРО үшін реванш. Грузия – Чехия матчын қайда және қашан көруге болады

Грузия мен Чехия құрамалары ЕУРО турнирінде тарихи матч өткізген еді. Сол кездесу 1:1 есебімен тең аяқталып, екі команда да топтық кезеңнен шыға алмады.

ЕУРО-дан кейінгі алғашқы кездесу қыркүйек айында өтті. Тбилисиде өткен ойында Грузия Чехияны 4:1 есебімен ойсырата жеңді. Бұл матчта Хвича Кварацхелияның соққан голы осы Ұлттар Лигасында грузин құрамасының басты жұлдызы үшін жалғыз гол болып қалды.

Чехия құрамасының бапкерлер штабы тәуекелге барып, «Байердің» негізгі шабуылшысы Патрик Шикті құрамнан шығаруды жөн көрді. Бірақ бұл шешім нәтиже бермей, Чехия Албаниямен ойында 0:0 есебімен тең түсті.

Грузия болса, соңғы матчында Украинамен тең ойнап (1:1), Жорж Микаутадзенің жалғыз голының арқасында жеңілістен аман қалды.

Қазіргі уақытта екі команда да Ұлттар Лигасының В лигасы 1-тобында алғашқы екі орынды бөлісіп тұр. Бұл матчтың жеңімпазы үздіктер қатарына жолдама алады.

Жеңімпазды бүгін түнде білетін боламыз. Матчтың тікелей көрсетілімі 00:45–те Sport+Qazaqstan телеарнасында және Sportplustv.kz сайтында өтеді.