Сербия vs Дания: топтағы екінші орын кімге тиесілі?

Белградта А Лигасының төртінші тобындағы екінші орын үшін матч өтеді. Бұл ойында Дания мен Сербия құрамалары бақ сынасады.

Өз алаңында өнер көрсететін Сербия ойыншыларына тек жеңіс керек, ал Дания болса тең есепті де қанағат тұтады. 

Бірақ қос командада да тұрақты нәтиже жоқ. Сербия соңғы бес матчта бір рет қана жеңіске жетті, оң көрсеткішті олар өз алаңында топ аутсайдері Швейцариямен ойында тіркеді.

Дания болса Копенгагенде Сербия командасын жеңгенімен, үш матч қатарынан сәтсіздікке ұшырауда. Олар екі рет Испанияға жеңіліп, Швейцариямен тең түскен. 

Сербия – Дания матчы 00:45те басталады. Ойынды тікелей эфирде Sport+Qazaqstan телеарнасынан және sportplustv.kz сайтынан тамашалай аласыздар.