Егембердиев UFC-дің бұрынғы жауынгерімен жекпе-жек өткізеді

Денсаулығына байланысты ұзақ үзілістен кейін ММА-ға оралған қазақстандық нокаутер Евгений Егембердиев Санкт-Петербургте өтетін АСА 186 турнирінде жекпе-жек өткізеді, деп хабарлайды Sport+.

Егембердиевтің қарсыласы UFC-дің бұрынғы жауынгері Максим Гришин болмақ.

Максимнің әлемдегі ең мықты лигада бес жекпе-жегі бар (2 жеңіс, 3 жеңіліс). Океанның арғы жағынан оралғаннан кейін Гришин RCC лигасында Асылжан Бақытжанұлымен жекпе-жек өткізген. Кездесу нәтижесінде төрешілердің шешімімен ресейлік спортшыға өте даулы жеңіс берілді.

Егембердиев пен Гришин арасындағы жекпе-жек 10 мамырда өтеді.