Дмитрий Бородин: Виктор Кумыков мені жаттықтырған ең мықты бапкерлердің бірі

Беларусь құрамасының жартылай қорғаушысы Дмитрий Бородин «Футбол» тілшісіне берген сұхбатта «Қайсарда» Виктор Кумыковпен жұмыс жайында айтты, деп хабарлайды Sport+:

«Ол қарсыласты толыққанды зерттейтін, теорияға көп мән беретін, апталық кезең барысында ойыншыларды қолынан жетектеп жүріп үйрететін өте мықты маман, әрі тактик. Мені жаттықтырған ең мықты бапкерлердің бірі. Аяқдопшы ретінде үйренгенім үшін де, маған артқан сенімі үшін де зор алғысымды білдіремін. Жетістіктеріне қарап-ақ бәрін түсінуге болады, Қарағандының „Шахтер“ командасымен ел чемпионатын жеңді, Еурокубоктың топтық кезеңіне де шықты. Кумыков қай командаға келмесін, сол ұжымның бар мүмкіндігін ашты деп ойлаймын»

Бородин Қазақстанда үш маусым ойнаған — екі маусым «Қайсарда» және бір маусым «Ордабасыда», ойнап Қазақстан Кубогының жеңімпазы атанған.