Бұрын ұтылып көрмеген қазақ файтері шетелде жеңіліс тапты

Аралас жекпе-жектен қазақстандық файтер Нұрхан Жұмағазы (5-0) Абу-Дабиде өткен UAE Warriors 51 турнирінде өнер көрсетіп, украиналық спортшыдан жеңіліп қалды, деп хабарлайды Sport Plus Qazaqstan.

Отандасымыздың қарсыласы Владислав Руднев те бұрын жеңіліп көрмеген. Бұған дейінгі тоғыз кездесудің бәрінде ол жеңіске жеткен. Бұл жолы да қазақ файтерін мерзімінен бұрын ұтып, рекордын 10-0 етті.

Жекпе-жек екінші раундта аяқталды. Руднев Жұмағазыны жерге құлатып, ауырту әдісін жасаған. Төреші кездесуді тоқтатуға мәжбүр болды.

Айта кетейік, Нұрхан Жұмағазы бұған дейінгі 5 жекпе-жегінің бәрін Alash Pride лигасында өткізіп, жеңіске жеткен.