Бибісара Асаубаева Norway Chess Women 2026 халықаралық шахмат турнирінде мерзімінен бұрын жеңіске жетті

Қазақстандық шахматшы Бибісара Асаубаева Norway Chess Women 2026 халықаралық шахмат турнирінің чемпионы атанды, деп хабарлайды Sport+.

Турнир 25 мамыр мен 5 маусым аралығында Норвегияның Осло қаласындағы Deichman Bjørvika мәдени орталығында өтті. Жарысқа Қазақстан, Қытай, Үндістан және Украина елдерінен әлемнің ең үздік алты шахматшысы қатысты.

Турнирдегі Бибісараның қарсыластары:

Цзюй Вэньцзюнь (Қытай) — қазіргі әлем чемпионы;
Чжу Цзиньэр (Қытай) — әлемдік рейтингте екінші орында тұрған шахматшы;
Хампи Конеру (Үндістан) — әлемдік шахматтың жетекші өкілдерінің бірі;
Анна Музычук (Украина) — өткен жылғы Norway Chess Women турнирінің жеңімпазы;
Дивья Дешмукх (Үндістан) — Әлем кубогының иегері.

Бұл турнир Бибісара үшін алғашқы қатысуы болды. Соған қарамастан, ол жарыс тарихындағы ең жас қатысушы ретінде тіркелді.

Турнир форматы:

Жарыс екі айналымдық жүйе бойынша өтті, яғни әрбір шахматшы қарсыластарымен екі реттен кездесті. Егер классикалық партия тең аяқталса, жеңімпаз арнайы ережелер бойынша ойналатын шешуші «Армагеддон» партиясында анықталды. Бұл формат міндетті түрде жеңімпазды айқындауға мүмкіндік береді.