Белал Мухаммад Хабибтің айналасындағы жанжал туралы: Егер қаласа, ұшақтағы бәрін шығарып жіберіп, өзі ұшар еді
UFC-дің жартылай орта салмақтағы чемпионы, америкалық Белал Мухаммад Хабиб Нурмагомедовтың бортсерікпен түсініспеушілік салдарынан рейстен шығарылған оқиғасына пікір білдірді, деп хабарлайды Sport+.
«Хабиб қаласа, ұшақтағы бәрін шығарып жіберіп, өзі жалғыз ұшып кетер еді», – деп әзілдеді Мухаммад әлеуметтік желідегі парақшасында.
Еске салсақ, 12 қаңтарда Нурмагомедовты жолаушыларды орналастыру кезінде туындаған жағдайға байланысты ұшақтан түсіріп кеткені белгілі болды. Хабиб төтенше жағдай болған жағдайда көмек көрсетуге дайындық сұралатын апаттық шығу есігіндегі орынды таңдаған. Спортшы сұрақты бірден түсінбегенімен, кейіннен оң жауап берген.
Соған қарамастан, рейс менеджері Нурмагомедовтың қауіпсіздік талаптарын орындауға дайын екеніне күмәнданып, басқа орынға отыруды ұсынған. Бірақ Хабиб бас тартқан, бұл оның ұшақтан шығарылуына себеп болды.
