Бекзат Алмаханның UFC-дегі қарсыласы белгілі болды

Қазақстандық жауынгер Бекзат Алмахан әлемінің үздік промоушені UFC-де алғашқы қарсыласын және бірінші жекпе-жектің күнін білді, деп хабарлайды Sport Plus Qazaqstan «ММА хабаршысына» сілтеме жасай отырып.

Дереккөздің хабарлауынша, Омар Нурмагомедов (№13) 3-наурызда өтетін UFC Vegas 87 турнирінде қазақстандық Бекзат Алмаханға қарсы келесі жекпе-жегін өткізеді.

Алмахан UFC-ге 2024 жылдың 31 қаңтарында қол қойды. Хабиб Нурмагомедовтың ағасы Омар лигадағы дебютін 2021 жылдың қаңтарында басқа қазақстандық жауынгер Сергей Морозовқа қарсы өткізіп, оны тұншықтыру арқылы жеңіске жеткен еді.

Алмахан ММА-да 17 жеңіске жетіп, бір рет жеңілді.