Бекболаттың Alash Pride 96 турниріндегі қарсыласы белгілі болды

Alash Pride лигасының чемпионы Рауан Бекболат келесі жекпе-жегін Алматыдағы Alash Pride 96 турнирінде өткізеді, деп хабарлайды Sport Plus Qazaqstan.

Оның қарсыласы Ural FC бойынша жекпе-жектерімен танымал ресейлік Дмитрий Долмат болады.

Рауан 2023 жылдың ақпан айынан бері жекпе-жек өткізген жоқ, ол Бішкектегі турнирде белбеу жеңіп алған болатын. Оның Қытайда өтуі тиіс жекпе-жегі салмақ мәселесіне байланысты өтпеді.