Бауыржан Исламхан: Бәрі бітті деп ойламаңыздар, бізде әлі жауапты ойын бар

«Ордабасы» жартылай қорғаушысы Бауыржан Исламхан Конференция лигасының екінші іріктеу кезеңіндегі «Дифферданж 03» (Люксембург) қарсы алғашқы матчтан кейін жанкүйерлерге үндеу жасады, деп хабарлайды Sport Plus Qazaqstan.

«Бүгінгі ойын біз үшін нашар нәтижемен аяқталды. Бәрі бітті деп ойламаңыздар. Келесі аптада бізде жауапты ойын бар, және бізге сіздердің қолдауларыңыз өте қажет», - деді Исламхан.

Естеріңізге сала кетейік, «Дифферданж 03» және «Ордабасы» арасындағы алғашқы матчта люксембургтық клуб 1:0 есебімен жеңіске жетті.

Қарымта кездесу 1 тамызда Шымкентте өтеді.