Бақтияр Артаев спорт саласындағы басшылық қызметке тағайындалуы мүмкін
2004 жылғы Афина Олимпиадасының бокстан чемпионы Бақтияр Артаев Қызылорда облысы дене шынықтыру және спорт басқармасының басшысы лауазымына үміткерлердің қатарына енді, деп хабарлайды Sport+.
«Бақтияр Артаев Бейжің Олимпиадасынан кейін Тараз қаласындағы Айша бибі ауылында әкім болды, содан кейін бір жылдан соң өңірдің спорт басқармасын басқарды. Ол бұл қызметті 2009 жылдың қараша айынан 2011 жылдың соңына дейін атқарған. Кейін президенттік «Астана» кәсіби спорт клубының басшысы болды», — деп хабарланды инстаграм парақшасында.
Айта кетейік, өткен аптада Қарағанды облысы дене шынықтыру және спорт басқармасының басшысы болып Лондон Олимпиадасының чемпионы Серік Сәпиев тағайындалған еді.
