Азия Кубогында жартылай финал басталады. Матчты қайдан көруге болады?

6 ақпан күні футболдан Азия Кубогының алғашқы жартылай финалдық матчы өтеді, деп хабарлайды Sport Plus Qazaqstan

Өзара финалисті анықтайтын Иордания және Оңтүстік Корея құрамалары.

Иорданиялықтар өз тарихи нәтижесіне қол жеткізген еді. Осы уақытқа дейін аталмыш команда 2004 және 2011 жылдары ¼ финалға дейін ғана жеткен екен. Корея құрамасы болса екі рет Азия Кубогының иегері атанған. Бірақ соңғы жеңіс сонау 1960 жылы тіркелген. Дегенмен, Юрген Клинсман шәкірттері қайтадан турнир фавориті.

Кәріс футболшыларына жартылай финалға оңайға соқпады. 1/8 финалда Сауд Арабиясын пенальтиде ғана жеңе алды, ал ширек финалда Сон Хын Миннның суперголының арқасында овертаймда Аустралиядан басым түсті.

Иорданияның жарыс жолы әлдеқайда жеңіл болды. Қарсылас тұрғысынан да, алаңда өткізген уақыт та әр матчта - 90 минут. Плей-офф кезеңінің алғашқы кезеңінде Иракты 3:2, ширек финалда Тәжікстанды (1:0) ұтты.

Матч 21:00де басталады.

Трансляция Sport Plus Qazaqstan телеарнасының эфирінде және сайтта көрсетіледі.